Gravid svenske alvorleg skadd i Brussel

(NPK-NTB-TT): Ei gravid kvinne frå Sverige er lagt inn på sjukehus med alvorlege brannskadar etter terrorangrepa i Brussel.

npk@npk.no

Publisert: 23.03.2016 kl 15:03

Kvinna skal ha vorte såra i angrepet på metrostasjonen Maelbeek, skriv avisa Expressen.

I alt tre svenskar vart såra i angrepa. Dei to andre får behandling for lettare skadar, opplyser det svenske utanriksdepartementet.

Fire svenskar har onsdag status som sakna, ifølgje Aftonbladet.

– Utanriksdepartementet er i kontakt med slektningane til dei få i Brussel som vi enno ikkje har oppnådd kontakt med, seier pressetalsperson Veronica Nordlund. (©NPK)