Griner ankar den russiske fengselsdommen sin

Advokatane til den amerikanske basketstjerna Brittney Griner anka den ni år lange fengselsdommen hennar for innehaving av narkotika i Russland.

lars.eide@ntb.no/hege.grov@npk.no

Publisert: 15.08.2022 kl 12:52

Advokat Maria Blagovolina er sitert av russiske nyheitsbyrå måndag på at anken er sendt inn, men grunngivinga er ikkje kjend.

Blagovolina og medadvokat Alexander Boykov sa etter domfellinga at straffa var overdriven, og at den tiltalte i liknande saker har fått ei gjennomsnittsstraff på rundt fem år, der om lag ein tredel av dei fekk innvilga prøvelauslating.

Griner vart tiltalt for smugling og innehaving av ei betydeleg mengd narkotisk stoff, som har ei strafferamme på ti år. Ho har erkjent seg skuldig, men forsikra i retten at ho ikkje hadde til hensikt å bryte lova.

WNBA-profilen har vore fengsla i Russland sidan ho 17. februar vart arrestert på flyplassen i Moskva. Tollarar fann cannabisolje for e-sigarettar i bagasjen hennar. Det skjedde nokre dagar før den russiske invasjonen i Ukraina. 4. august vart ho dømd til ni år i fengsel.

(©NPK)

Advokatane til Brittney Griner ankar dommen til basketstjerna. Foto: Evgenia Novozhenina/Pool Photo via AP/NTB.