Grønt lys for opningsrenna i Sölden
Verdscupopninga i alpint kan avviklast som planlagt i Sölden neste helg. Snøkontrollen torsdag resulterte i grønt lys.
Sesongen blir som vanleg innleidd med storslalåm for kvinner og menn på Rettenbachbreen siste helga i oktober. Kvinnene køyrer laurdag 28. oktober, mennene dagen etter.
Ifølgje Østerrikes skiforbund er forholda «perfekte» etter store mengder nysnø dei siste vekene.
(©NPK)
Verdscupopninga i alpint kan gjennomførast som oppsett. Snøkontrollen i Sölden torsdag resulterte i grønt lys for arrangementet. Her frå rennet i fjor. Foto: Cornelius Poppe / NTB scanpix