Gudrun-plattforma opnar for helikopter igjen

For første gong sidan i mars i fjor landar det onsdag eit Sikorsky-helikopter på Statoil-plattforma, fortel Stavanger Aftenblad.

Reparasjonen av helikopterdekket har kosta 80 millionar kroner.

– Det er venta at det første helikopteret landar klokka 11 onsdag. Det er vi svært nøgde med, og det skal vera godt å få vårt eige helikopterdekk tilbake i bruk, seier pressekontakt Morten Eek i Statoil til avisa.

Helikopterdekket på plattforma blei stengt etter at det blei observert ulyd i samband med ein helikopteravgang. Undersøkingar avdekte at det var veikskapar i berekonstruksjonen under dekket.

Sidan den gongen har helikoptera til Gudrun måtta letta og landa på boreriggen West Epsilon, som er knytt til plattforma med gangbru. (©NPK)