Haaland vart kampklar – startar toppkampen mot Arsenal
Erling Braut Haaland har rista av seg smellen frå kampen mot Aston Villa i helga og startar for Manchester City i toppkampen mot Arsenal.
Han fekk ein smell i første omgang av 3-1-sigeren mot Aston Villa og vart bytt ut ved pause. Manager Pep Guardiola sa at det var etter råd frå det medisinske apparatet til klubben.
– Han fekk ein smell og kjende seg ukomfortabel. Vi håpar han blir klar til onsdag, men om han ikkje blir det så har vi andre som kan spele, sa Guardiola.
Han gjer berre ei endring i laget som møtte Villa. Nathan Aké kjem inn for Aymeric Laporte.
Haaland er Citys suverene toppskårar med 31 mål denne sesongen, 25 i Premier League.
Martin Ødegaard er Arsenals toppskårar med åtte mål i Premier League. Han speler også frå start. Thomas Partey er derimot ute på grunn av skade.
(©NPK)
Erling Braut Haaland i aksjon mot Aston Villa sist helg. Foto: Dave Thompson, AP / NTB