Hamarøy, Fauske, Saltdal, Karlsøy og Sørfold sa nei til samanslåing

I Saltdal fekk alternativet for å behalde Saltdal som eigen kommune 89,5 prosent av stemmene, ifølgje Avisa Nordland. Ytre Salten-alternativet fekk 5 prosent av stemmene, mens Indre-Salten alternativet fekk 4,3. Valdeltakinga var på 48,9 prosent.

I Fauske stemte 60,4 prosent for å framleis vere ein eigen kommune. Der fekk Indre Salten-alternativet 21,9 prosent av stemmene, mens Stor-Salten fekk 5,9 prosent av stemmene og alternativet Bodø og Fauske fekk 11,5 prosent, ifølgje avisa.

Fem kommunar i Nord-Noreg hadde avstemming søndag. Mens resultata frå Hamarøy, Fauske og Saltdal var klare søndag kveld, vart ikkje resultata frå Sørfold og Karlsøy klare før måndag. Då vart det kjent at også desse kommunane sa nei til samanslåing.

Måndag skal ytterlegare 46 kommunar stemme over om dei vil bli samanslått med nabokommunane eller ikkje. (©NPK)