Har gjort viktige funn etter helikopterulykka

(NPK-NTB): Havarikommisjonen legg fredag fram ein førebels rapport om helikopterulykka ved Turøy i Hordaland for fjorten dagar sidan.

npk@npk.no

Publisert: 13.05.2016 kl 13:35

Rapporten er utelukkande faktuell og inneheld ingen konklusjonar eller sikkerheitstilrådingar, skriv kommisjonen i ei pressemelding.

Det vil bli vist fram utvalde komponentar. Havarikommisjonen har sidan ulykka leitt etter delar frå helikopteret som kan vere med å bidra til å finne ut kva som skjedde i forkant av ulykka. Blant anna har det vore leitt etter delar knytt til hovudgirkassa. Leitinga skulle etter planen vore avslutta torsdag, men er blitt forlengd til fredag.

– Vi har funnet nokre viktige delar, men har igjen å finne fleire. Derfor fortset vi ei stund til, seier havariinspektør Tor Nørstegård til VG.

Han seier det også kjem til å bli leitt med dykkarar og undervasskamera etter pinse og 17. mai.

– Jo lenger desse delane ligg i vatnet, desto dårlegare vil resultatet kunne bli. Men det er snakk om å ikkje slite ut alle på ein gong, seier Nørstegård.