Hauge fjerde best i Formel 2-opninga
Dennis Hauger (19) fekk ein solid sesongstart med ein fjerdeplass i kvalifiseringa i Formel 2. Det gir han eit godt utgangspunkt gjennom helga i Bahrain.
Plasseringa gjer at Aurskog-guten får sjuande beste startspor i sprintløpet i Sakhir-ørkenen laurdag.
F2-reglane tilseier at startrekkjefølgja til det løpet blir snudd på hovudet for dei ti beste i kvaliken. Dagen etter startar bilane hovudløpet etter plasseringane dei fekk fredag.
Framfor sesongen bytte Hauger lag og køyrar no for MP Motorsport. I fjor debuterte han i Formel 2 som Prema-førar.
(©NPK)
Dennis Hauger starta Formel 2-sesongen i Bahrain fredag. Foto: Beate Oma Dahle / NTB