Klargjør siden...

Helgesen besøkjer regnskogen i Kongo

(NPK-NTB): Klima- og miljøminister Vidar Helgesen (H) reiser neste veke til Kongo for å besøkje regnskogen og ha møte med styresmaktene i landet.

Besøket varer frå måndag til fredag. Undervegs vil Helgesen møte statsministeren, finansministeren og miljøministeren i Kongo, i tillegg til møte med Verdsbanken, FN, privat næringsliv og sivile organisasjonar.

Torsdag og fredag besøkjer han lokalsamfunn i regnskogen i Vest-Kongo.

Kongo har den største regnskogen i verda etter Brasil, og Noreg styrkjer no innsatsen for å bevare skogområda.

Det er ikkje enkelt, vedgår Helgesen.

– Men denne regnskogen er så viktig for klima i verda og for nedbørsmønster i store delar av Afrika at vi må gjere det vi kan, seier han. (©NPK)

Annonse