Helland og Midtsjø forlengjer med Rosenborg

(NPK-NTB): Rosenborg-spelarane Pål André Helland og Fredrik Midtsjø har begge signert nye kontraktar med trønderane ut 2020-sesongen.

Det offentleggjorde Trondheim-klubben på heimesidene sine onsdag.

– Eg stortrivst i Rosenborg og har det som plomma i egget. Eg er trønder og får spele i favorittklubben min. Det skal vere noko skikkeleg bra for å lokke meg vekk, og skulle eg gå, vil eg at Rosenborg skal få igjen pengar for meg, seier Helland.

– Eg trivst veldig godt i Rosenborg og det er her eg ønsker å vere no. Det er her eg føler eg får utvikla meg best, og eg er kjempefornøgd med å ha skrive under ein ny kontrakt, seier Midtsjø.

Dei to landslagsspelarane hadde begge kontraktar som gjekk ut i 2018, men har no valt å knytte seg til serieleiaren i to år til. (©NPK)

Annonse