Henrik Ingebrigtsen spring 5000 meter i USA
Henrik Ingebrigtsen skal prøve seg på 5000 meter i stemnet Payton Jordan Invitational i amerikanske Palo Alto natt til laurdag norsk tid.
Ingebrigtsen og brørne er for tida på høgdeopphald i Flagstaff i Arizona.
Storebror Ingebrigtsen prøvde seg på EM-kravet på 10.000 meter under eit stemne på Bislett i førre veke, men enda ti sekund bak.
Laurdag prøver han seg altså på den halve distansen.
Jakob Ingebrigtsen skal etter planen sesongdebutere utandørs på ein 5000 meter neste fredag. Det løpet går òg i California.
(©NPK)
Henrik Ingebrigtsen spring 10.000-meter under stemnet «Night of highlights» på Bislett stadion i Oslo.
Foto: Annika Byrde / NTB