Klargjør siden...

Hickey varetektsfengsla i Rio

(NPK-NTB-AFP): IOC-visepresident Patrick Hickey, som er mistenkt for ulovleg billettsal, er varetektsfengsla i Rio de Janeiro.

Det opplyste brasiliansk politi fredag.

Den 71-årige iren blei arrestert onsdag, men han blei i første omgang innlagt på sjukehus. Torsdag blei han skriven ut, og etter å ha blitt framstilt for retten blei han overført til Bangu-fengselet.

Hickey, som blant sine mange verv er leiar for Den europeiske foreininga for nasjonale OL-komitear (ENOC), er mistenkt for å ha selt billettar til svartebørsmarknaden.

Etter arrestasjonen har Hickey inntil vidare trekt seg som president i Irlands OL-komité og frå dei andre olympiske verva sine. (©NPK)

Annonse