Høgblokka skal ruve høgast i nytt regjeringskvartal

Det går fram av forslaget til reguleringsplan for det nye regjeringskvartalet som kommunal- og moderniseringsminister Jan Tore Sanner (H) og Statsbygg presenterte fredag.

– Høgblokka held fram å vere det høgste bygget. Vi har bestemt at vi ønskjer å flytte Statsministerens kontor tilbake dit. For at det skal vere funksjonelle lokale, vil vi rive dei to øvste etasjane og byggje fire nye. Totalt blir Høgblokka 68 meter høg, mot 56 meter i dag, seier Sanner til NTB.

I forslaget blir dei nye bygga lagt i kvartalsstrukturen mellom Grubbegata og Møllergata, og eitt nybygg nord for Høgblokka. (©NPK)