– Noah har no respondert godt på to veker med alternativ trening, men er framleis ikkje hundre prosent. Gjentekne undersøkingar her, og dessutan hos lege og fysioterapeut med spesialkompetanse på lyskeplager, tilseier eit behov for ei lengre rehabilitering. Dermed er Noah forventa kampklar om cirka åtte veker, seier RBK-lege Olav Aas til Rosenborgs nettstad.

Holm har slite med smerter i lysken til slutten av mai, og smertene har gradvis vorte verre. Sist han starta ein kamp, var 26. mai heime mot Haugesund.

Holm kom til Rosenborg frå portugisiske Vitoria de Guimarães framfor førre sesong og har notert seg for seks mål på 30 kampar for trønderane.

(©NPK)

Noah Jean Holm er ute med skade i åtte veker.
Foto: Ole Martin Wold / NTB