Høyre-statsråd får kritikk frå Frp

Stortinget behandla saka frå kontroll- og konstitusjonskomiteen om Forsvarets sal av utrangert og brukt militært materiell torsdag.

Saka skulle eigentleg vore behandla 26. april, men blei utsett då komiteen tok imot det han sjølv skildrar som ny dokumentasjon i form av to nye tok rapportar.

Ein samla komité, med unntak av medlemmene frå Høgre står bak kritikken, som botnar i at komiteen fekk for lite tid til å setje seg inn i rapportane.

– Fleirtalet finn difor grunn til å rette kritikk for at dei mottekne rapportane kom komiteen i hende for seint til at komiteen kunne gjere ei forsvarleg behandling av saka i Stortinget, sa saksordførar Helge Thorheim (Frp) då han innleidde debatten.

Dei to rapportane frå Forsvarsdepartementets internrevisjon handlar om sal av materiell og av F5 jagarfly.

Thorheim ville ikkje dvele ved kritikken, men la til:

– Komiteen er i all hovudsak samstemt i sine merknadar. På nokre område er det likevel skilnadar, noko som vil vere naturleg i ei så stor, komplisert og viktig sak. (©NPK)