Hussain opnar for å flytte til Finnmark

Den tidlegare talsmannen for Profetens Ummah er mistenkt for å ha rekruttert minst sju personar til ekstremistgruppa IS, noko han nektar for. Han er også sikta for å ha motarbeidd rettsstellet ved å ha påverka og trua eit vitne i ei anna sak.

I Oslo tingrett torsdag sa Hussain at han er villig til både å flytte ut av Oslo, gi opp passorda sine til alle sosiale medium, og heller ikkje ha kontakt med det islamistiske miljøet. Alt for å sleppe vidare fengsling, men utan at dette var nok for dommaren. I staden blei han fengsla i åtte nye veker, melder NRK.

– Ja, eg er villig til å flytte til Karasjok, sjølv om det nok vil bli veldig kaldt, svarte Hussain i retten på direkte spørsmål frå forsvarar Ulrik Sverdrup-Thygeson jr. (©NPK)