IEA: Luftforureining fører til 6,5 millionar dødsfall i året

(NPK-NTB-AP): Kvart år døyr 6,5 millionar menneske for tidleg som følgje av luftforureining. Talet vil auke dersom ikkje energisektoren kuttar utsleppa, åtvarar det internasjonale energibyrået.

npk@npk.no

Publisert: 28.06.2016 kl 09:01

Luftforureining utgjer den fjerde største trusselen mot helsa vår, heiter det i rapport frå det internasjonale energibyrået (IEA).

Dersom det ikkje blir sett i verk endringar i korleis verda produserer og brukar energi, kjem forureininga til å vere enda meir øydeleggjande for menneskeliv, ifølgje rapporten.

Luftforureininga stammar i hovudsak frå kraftverk, fabrikkar og køyretøy. Hushaldsforureininga kjem frå skitne komfyrar først og fremst i utviklingsland.

Kvart år misser om lag 3 millionar menneske livet i ung alder som følgje av luftforureining. Utslepp og røyk frå omnar i heimen blir sett i samanheng med 3,5 millionar dødsfall, ifølgje rapporten. (©NPK)