Ikkje fleirtal for fleire medisinutdanningar
Det blir førebels ingen endringar i kva universitet som får ha medisin- og veterinærutdanningar. Samtidig blir monopolet fjerna på psykologi, juss og teologi.
Overfor Khrono stadfestar både Arbeidarpartiets talsperson for forsking og høgare utdanning, Nina Sandberg, og Senterpartiets stortingsrepresentant Marit Knutsdatter Strand at dei støttar regjeringsforslaget til gradsforskrifta.
Dermed vil monopolreglane for rettsvitskap, psykologi og teologi bli fjerna, medan den blir på medisin- og veterinærutdanningar.
Framstegspartiet har ønskt å fjerne heile gradsforskrifta, og dermed opna for nye medisin- og veterinærutdanningar, men vil altså ikkje kunne få fleirtal for det såg lenge Ap og Sp støttar regjeringsforslaget.
Begge dei to partia meiner ei eventuell endring av medisinutdanninga må greiast ut grundig før Stortinget kan ta stilling til det. Også regjeringa har sagt at dei vil setje i gang ein prosess om korleis utdanninga skal dimensjonerast
I dag er det berre universiteta i Oslo, Bergen, Trondheim og Tromsø som får utdanne legar. Universitetet i Stavanger ønskjer likevel å tilby medisinutdanning frå 2023.
(©NPK)
Arbeiderpartiets talsperson for forskning og høgare utdanning, Nina Sandberg. Foto: Vidar Ruud / NTB