IMF: – Kraftig fall i veksten i Japan og Kina

Fondet forventar ein oppsving i den heimlege etterspørselen etter kvart som Asia hentar seg inn etter svak global handel. Offentlege stimuleringstiltak, lågare råvareprisar og låg arbeidsløyse er venta å vere nokre av drivarane for den regionale veksten, sa IMF då dei la fram sine økonomiske utsikter for Asia og Stillehavsregionen tysdag.

Sidan førre gong IMF kom med ein rapport om framtidsutsiktene i regionen, har oljeprisen gått ned og drege med seg børsane nedover, marknadane har blitt meir ustabile og det er uro over kinesisk økonomi.

Også den japanske økonomien er venta å vekse saktare, blant anna som følgje av ein sterkare yen og mindre handel med Kina. Fondet har halvert vekstprognosen for Japan til ein halv prosent i 2016 og trur den vil bremse opp ytterlegare til 0,1 prosent. Landet strevar med stor gjeld og ein aldrande befolkning, i tillegg til at ein varsla ny skatt på forbruk er venta å virke negativt på veksten. (©NPK)