IT-organisasjon vil ha norsk vaksinepass snarleg
Sverige har mål om å få digitale vaksinepass for korona innan sommaren, og bransjeorganisasjonen IKT-Noreg meiner Noreg ikkje bør vere noko dårlegare.
– Gode norske ID-løysingar som BankID og pasientjournalar gjer at det vil vere ei smal sak å utvikle slike pass med tilstrekkeleg tryggleik, seier Fredrik Syversen, direktør for strategi- og forretningsutvikling i IKT-Noreg.
Han meiner tenesta Mi helse vil gjere digitale vaksinepass tilgjengeleg for store delar av den norske befolkninga.
– Ei snarleg løysing på digitale vaksinepass vil vere nyttig for alle, ikkje minst for delar av næringslivet som har ei grad av internasjonale medarbeidarar, eller behov for å reise, legg direktøren til.
(©NPK)
Vaksine frå Pfizer og Biontech. Arkivfoto: Berit Roald / NTB