Italias statsminister går frå sambuaren etter skandaleopptak

Paret har vore saman i ti år og har ei sju år gammal dotter. Sambuaren, Andrea Giambruno, leier eit talkshow på kanalen Rete 4. Mikrofonane fanga det opp då han av lufta sa til ein kollega at han og ein annan kollega har ein affære.

– Men vi ser etter ein tredje person, fordi vi driv med trekantar. Firkantar òg. Vil du vere med i gruppa vår? spør han den kvinnelege kollegaen i opptaket, som har vorte publisert av ein annan TV-kanal.

I eit anna opptak seier han «Kan eg ta på ballane mine medan eg snakkar med deg?». Fredag kunngjorde selskapet Mediaset, som eig Rete 4, at Giambruno er suspendert medan selskapet undersøkjer saka.

– Forholdet mitt til Andrea Giambruno, som varte nesten ti år, sluttar her, skriv Meloni i sosiale medium. Ho legg til at dei to har gått i ulike retningar ei stund.

Meloni vart den første kvinnelege statsministeren i Italia for snart eit år sidan.

(©NPK)

Italias statsminister Giorgia Meloni (t.h.) går frå partnaren Andrea Giambruno etter publiseringa av skandaløse lydopptak av han. Paret har ei dotter på sju år. Foto: Alessandro Bremec / LaPresse via AP / NTB