Italiensk politi avhøyrer eritrear i menneskesmuglingssak

Representantar for påtalemakta på Sicilia og advokaten til den mistenkte var til stades under avhøyret, som skjedde i eit fengsel i Roma.

Italienske styresmakter har omtalt arrestasjonen av eritrearen som eit stort gjennombrot i etterforskinga av smuglarnettverka som opererer i Nord-Afrika og Middelhavet.

Berre timar etter at italiensk politi fortalde at mannen var landa i Italia, kom det derimot sterke reaksjonar frå fleire eksil-eritrearar. Dei meiner at politiet har teke grundig feil av identiteten til mannen. Ein av dei er ei eritreisk kvinne som bur i Oslo, og som seier ho er søstera til den arresterte mannen. Mannen har både eit anna namn og ein annan alder enn mannen italiensk politi meiner dei har arrestert, ifølgje dei eritreiske kjeldene. (©NPK)