Tips oss:
Tips
Sentralbord: 70 07 44 22 Mobil: 995 22 999
Kontakt
Artikkelen fortsetter etter annonsen.
(NPK-NTB): Nordkraft Vind har fått konsesjon til å byggje ein vindkraftpark i Sørfjorden i Tysfjord kommune i Nordland. Produksjonen vil motsvare forbruket til rundt 16.000 husstandar.
npk@npk.no
Publisert: 06.11.2015 kl 13:30
Konsesjonen for Sørfjorden vindkraftverk vart gitt av Olje- og energidirektoratet fredag og inkluderer nettilknyting i Tysfjord. Ifølgje oppjusterte anslag vil anlegget kunne gi inntil 320 gigawattimar (GWh) i året.
– Meir fornybar kraftproduksjon er eit mål for regjeringa. Konsesjonen til Sørfjorden kan gi eit betydeleg bidrag til ny fornybar kraftproduksjon i Nordland, seier olje- og energiminister Tord Lien (Frp).
Vedtaket frå Noregs vassdrags- og energidirektorat (NVE) vart klaga på av den svenske samebyen Unna Tjerusj, som har beiterettar i området. Departementet har hatt konsultasjonar med både samebyen og Sametinget og meiner at omsynet til reindrifta blir varetatt.
Samstundes stadfesta departementet NVE-avslaget på søknaden om å etablere Skogvatnet vindkraftverk, også det i Tysfjord kommune. Statsskog klaga på avslaget, men departementet meiner blant anna at dei to prosjekta ville ha konkurrert om nettkapasiteten i området. Også mindre miljømessige inngrep ved Sørfjorden spelte inn. (©NPK)