Ja til vindkraft i Sokndal

Det er Moldalsknuten vindkraftverk som no har fått ja frå departementet.

Prosjektet blir rekna som ei utviding av Tellenes vindkraftverk, som allereie har fått konsesjon.

– Moldalsknuten vindkraftverk kan gi ein auka fornybar energiproduksjon med små skadar og ulemper, i eit område allereie avsett til vindkraft, seier olje- og energiminister Tord Lien (Frp).

– Prosjektet går godt saman med målet om lågast mogleg miljø- og samfunnskostnader per kilowattime produsert vindkraft, seier han. (©NPK)