Jagland: Krigen i Ukraina kunne ha vore unngått

Til Klassekampen seier Jagland – som både har vore statsminister, utanriksminister og Arbeidarpartileiar – at krigen kunne vore unngått ved fleire korsvegar.

– Det er ikkje eit lett standpunkt å ta, fordi det har vorte opplese og vedteke at den einaste løysinga var krig. Men eg meiner absolutt ho kunne vore unngått, seier Jagland.

Ukraina-krigen får stor plass i det tredje og siste bindet av Jaglands sjølvbiografi som blir lansert onsdag.

Jagland skriv at krigen først og fremst kunne vore unngått ved at stemmer i Russland motsa Vladimir Putin, men han meiner også leiarar i Vesten må ta på seg ein del av ansvaret for at det no er krig i Europa.

Dei siste tiåra har det vore fleire høve til å både integrere Russland i eit samla Europa og forsikre russarane om at deira tryggingsinteresser vart tekne på alvor, påpeikar Jagland.

(©NPK)

Thorbjørn Jagland er aktuell med siste bind av dei politiske memoarane sine. Han meiner at krigen i Ukraina kunne ha vore unngått. Foto: Terje Bendiksby / NTB / NPK