Tips oss:
Tips
Sentralbord: 70 07 44 22 Mobil: 995 22 999
Kontakt
Jan Helge Andersen har status som sikta i den nye Baneheia-etterforskinga etter at det er gjennomført ei ny ransaking heime hos han.
vaktsjef@ntb.no/peder.skjelten@npk.no
Publisert: 18.07.2022 kl 17:07
Sist oppdatert: 18.07.2022 kl 17:52
Statusen som sikta inneber at Jan Helge Andersen har nokre særlege rettar i saka, skriv VG.
– Det at Jan Helge Andersen har status som sikta, er ein automatisk konsekvens av at det er gjennomført ei avgrensa ransaking hos han, som ledd i etterforskinga av sakskomplekset, seier statsadvokatane Johan Øverberg og Andreas Schei, som held i Baneheia-saka, til VG i ein e-post.
Baneheia-dømde Jan Helge Andersen har så langt hatt status som mistenkt i den nye etterforskinga, som blir leidd av Oslo politidistrikt.
Statsadvokatane ønskjer ikkje å kommentere kva Andersen er sikta for, eller kvifor siktinga kjem no.
– Ransakinga inneber ikkje at politiet eller påtalemakta har teke stilling til skuldspørsmålet og den vidare påtalebehandlinga av saka, skriv dei i e-posten.
Dei ønskjer heller ikkje å kommentere om politiet no argumenterer for at Andersen kan ha vore åleine om drapa på åtte og ti år gamle Stine Sofie Sørstrønen og Lena Sløgedal Paulsen i 2000, som den tidlegare kameraten hans Viggo Kristiansen vart dømd til 21 års forvaring fór i 2002.
Dommen la vekt på at Andersen peika ut Kristiansen som hovudmann i forklaringa si.
Andersens forsvarar, Svein Holden, opplyser til Dagbladet at ransakinga vart gjennomført for ei god stund sidan. I etterkant av ransakinga har det også vorte gjennomført eit nytt avhøyr av han.
– Dette avhøyret vart gjort i slutten av juni, men ransakinga vart gjennomført lenge før dette, seier Holden til Dagbladet.
(©NPK)
Artikkelen fortsetter etter annonsen.