Jente forsvunnen i Grimstad

– Det var familien som melde henne sakna onsdag morgon, seier operasjonsleiar Ingrid Mæhre i Agder politidistrikt til NTB.

Jenta er 175 centimeter høg, ho har langt lyst hår i flette og ein blå topp med mønster, lang shorts og turkise sko. Utanpå har ho på seg ei grå fleecejakke, og ho ber kanskje på eit blått teppe, opplyser politiet.

– Ho er glad i dyr, og vi oppfordrar folk til å sjekke stallar, hesteinnheigningar og hundegardar i området Grefstad, Moysanden og Eskedal, seier Mæhre.

Ho understrekar at det ikkje er noko som tyder på at jenta er blitt lurt med av nokon.

– Vi har ingen indikasjonar på det, seier operasjonsleiaren.

Onsdag ettermiddag blir det søkt med politihund i området. Røde Kors og ei redningsskøyte er også kalla inn. (©NPK)