Tips oss:
Tips
Sentralbord: 70 07 44 22 Mobil: 995 22 999
Kontakt
(NPK-NTB-AP): Ein sjeldan avtale mellom kristne kyrkjesamfunn gjer at kammeret i Gravkyrkja der dei trur Jesus vart korsfesta, kan restaurerast for første gong sidan 1810.
npk@npk.no
Publisert: 06.06.2016 kl 19:51
Prosjektet for å reparere, styrkje og bevare det såkalla gravminnet i Den heilage gravs kyrkje i Jerusalem, starta måndag.
Katolske, gresk-ortodokse og armenske kristne har ansvaret for å bevare kvar sine seksjonar av kyrkja, og har i lang tid vakta sine respektive domene.
Rivaliseringa har gjort at gravminnet ikkje har blitt restaurert sidan 1810, då det vart oppattbygd i si noverande form etter ein brann. Det store behovet for å bevare gravminnet har no omsider fått vaktarane av kyrkja til å legge usemje til side.
– Vi vart i fellesskap samde om at den påkravde restaureringa var nødvendig, seier Samuel Aghoyan, øvste representant for den armenske kyrkja i Jerusalem.
Prosjektet har ein prislapp på rundt 28 millionar kroner, som vert delt mellom dei ulike kyrkjesamfunna.
Kyrkja vert rekna som eitt av dei mest heilage stadene i kristendommen. Men det har ikkje hindra prestane i Jerusalem frå å setje i gang bitre kranglar i kyrkja. I 2008 enda ein diskusjon mellom gresk-ortodokse og armenske munkar i slagsmål. (©NPK)
Artikkelen fortsetter etter annonsen.