Jordmødrer ropar varsku om fødselsomsorg

Det går fram av ei undersøking Jordmorforbundet har fått gjennomført blant 900 medlemmer, ifølge NRK.

– Fleire stadar har fødselstala gått opp utan at bemanninga har auka tilsvarande. Vi er alvorleg uroa over auka arbeidspress og manglande bemanning, seier styremedlem i Jordmorforbundet Kristin Holanger.

I undersøkinga svarar 94 prosent at det hender dei har andre pasientar samtidig som dei har ansvaret for ein aktiv fødande og derfor ikkje klarer å oppfylle kvalitetskravet i fødselsomsorga.

58 prosent seier dei av og til, ofte eller svært ofte ikkje klarer å ha tilstrekkeleg overvaking av mora i fødsel. 40 prosent seier dei ikkje klarer å ha tilstrekkeleg overvaking av barnet.

Helse- og omsorgsdepartementet seier dei vil følgje opp saka i dialog med sjukehusa. (©NPK)