Juryen er klar i Trump-saka – tolv jurymedlemmer og seks varaer er utpeika

Dermed ligg det an til at rettsbehandlinga av skuldspørsmålet kan byrje måndag.

Dei tolv jurymedlemmene skal bestemme Trumps lagnad i den mykje omtala saka. Trump er tiltalt for brot på rekneskapslova i samband med ei utbetaling på 130.000 dollar frå Trumps dåverande advokat Michael Cohen til pornoskodespelaren Stormy Daniels i 2016. Han har erklært seg ikkje skuldig.

Straffesaka er den første nokosinne der ein tidlegare amerikansk president er tiltala. Det er også den første av fire i rekka av kriminalsaker Trump har mot seg. Det er uklart om nokon av dei andre tre, som blir rekna for å vere langt alvorlegare, blir opna før valet i november.