Kaptein, styrmann og matros dømt til fengsel for promille

(NPK-NTB): Ein kaptein, styrmann og matros frå Tromsø er dømt til fengsel for å ha prøvd å køyre ein hurtigbåt med promille.

npk@npk.no

Publisert: 14.07.2016 kl 20:04

Kapteinen og styrmannen blei begge dømt til 45 dagars fengsel, 20 av dei er vilkårsbunden, i Trondenes tingrett. Matrosen blei dømt til 30 dagars fengsel, av dei er 15 dagar vilkårsbunden, skriv Nordlys.

Dei tre blei stoppa av politiet etter tips frå publikum og testa positivt på promillekontroll like før dei var i ferd med å borde hurtigbåten MS «Kistefjell» i Harstad morgonen 29. juli 2014.

Kapteinen hadde 0,45 i promille då blodprøven blei tatt, styrmannen hadde 0,97 i promille og matrosen hadde 1,03.

I Trondenes tingrett hevda dei at dei ville avlyse turen, men blei ikkje trudd.

Kapteinen anka dommen til Hålogaland lagmannsrett fordi han meiner det ikkje er bevist at han ikkje ville stanse avgangen, men anken blei forkasta.