Kjell Grandhagen blir tildelt St. Olavs orden

(NPK-NTB): Tidlegare sjef for Etterretningstenesta, generalløytnant Kjell Grandhagen, er utnemnd til Kommandør av Den Kongelege Norske St. Olavs orden for framifrå samfunnsnyttig innsats.

npk@npk.no

Publisert: 16.09.2016 kl 19:05

Kunngjeringa om utnemninga kom frå Kongehuset fredag ettermiddag.

Grandhagen har mellom anna vore sjef for Etterretningstenesta og for den nordisk-polske brigaden i SFOR-styrken i Bosnia-Hercegovina.

Tidlegare er 62-åringen dekorert med heiderskrossen til Forsvaret.

St. Olavs orden blir tildelt som påskjønning for utmerka tenester for Noreg og menneska. Ordenen er delt inn i tre grader: riddar, kommandør og storkors.