Knipen norsk OL-siger i sjakk-OL

Frode Urkedal (23) sikra den norske sigeren og det einaste heilpoenget. Han slo Max Illingworth på det fjerde bordet. Det skjedde etter at det enda remis ved dei tre andre borda.

Verdseinar Magnus Carlsen spelte remis mot David Smerdon, Jon Ludvig Hammer remis mot Moulthun Ly og Aryan Tari remis mot Anton Smirnov.

Noreg har teke totalt seks lagpoeng så langt i turneringa. Noreg slo Wales og Bangladesh i dei to første rundane, medan det blei tap mot Romania søndag.

– Det er veldig viktig for oss å vinna med stil snart. Det er veldig viktig for lagmoralen, den individuelle sjølvtilliten. Det vil inspirera, seier toppsjakksjef Jonathan Tisdall til nettstaden Matt & Patt. (©NPK)