Kommunetilsett i Drammen sikta for grov korrupsjon

(NPK-NTB): Ein tilsett i Drammen kommune er sikta for grov korrupsjon. Kvinna er varetektsfengsla i fire veker, mistenkt for å ha tatt imot fleire hundre tusen kroner i mutingar frå utbyggjarar i nærare 30 byggjesaker.

npk@npk.no

Publisert: 18.01.2016 kl 07:45

Øko-teamet i Sør-Aust politidistrikt i Drammen har etterforska saka sida hausten 2015, og det har komme fram at kvinna i fleire samanhengar har fått pengar frå privatpersonar som ønskte byggjeløyve frå kommunen, skriv NRK.

– Ut frå meldinga og det vi ser i dei konkrete prosjekta, er det openbert at mange av desse byggjeløyva aldri ville blitt gitt, politiadvokat Hans Lyder Haare.

I eitt tilfelle dreier det seg om 120.000 kroner frå éin utbyggjar. I eit anna tilfelle har ho fått 80.000 kroner. Det er også fleire eksempel på mindre beløp på 5.000-25.000 kroner.

– Det er for tidleg å uttale seg om totalbeløpet, seier Haare.

Det var Drammen kommune som melde saka. Kvinna nekta straffskuld då ho fredag møtte i forhøyrsretten i Drammen tingrett.

Ho vart varetektsfengselet i fire veker med brev- og besøksforbod, og forbod mot tilgang til aviser og kringkasting. (©NPK)