Kongeleg feiring for dronning Elizabeth II

– Hennas majestet har vore ei stødig og sterk klippe for landet vårt, for samveldet av nasjonar og i fleire høve for heile verda, sa Storbritannias statsminister David Cameron om dronninga på hennar fødselsdag torsdag.

90-årsdagen til Dronninga blir feira med arrangement i heile Storbritannia, og på slaget klokka 12 blir fødselsdagen markert med saluttar over heile det foreinte kongeriket. Dronning Elizabeth vil også møte britar som ønsker å hylle henne, utanfor residensen Windsor Castle utanfor London. Utover kvelden skal ho tenne den første av totalt 900 faklar som skal brenne natta gjennom.

Seinare blir det familiemiddag arrangert av den eldste sonen til dronninga, prins Charles, og ho kan også glede seg til ei kake bakt av Nadiya Jamir Hussain, vinnaren av det populære realityshowet «Great British Bake Off».

Fredag kjem dessutan USAs president Barack Obama og førstedame Michelle Obama til London for å ete lunsj med jubilanten.

Den offisielle feiringa av 90-årsdagen til Dronninga blir gjennomført i førstninga av juni. (©NPK)