Kongeparet inviterer til utekino i Slottsparken

(NPK-NTB): Kongeparet avsluttar feiringa av 25-årsjubileet ved å invitere publikum til utekino i Slottsparken neste veke. På sjølvaste slottsveggen skal filmen «Kongens nei» bli vist.

npk@npk.no

Publisert: 15.09.2016 kl 18:09

Klokka 20 onsdag om ei veke blir publikum invitert til kino. Filmen skal bli vist mot Slottets nordvegg.

Slottet ber publikum ta med seg sitteunderlag og finne plass på graset i Slottsparken.

Kongeparet, kronprinsparet og prinsesse Astrid vil vere til stades under filmframsyninga, saman med ei gruppe spesielt inviterte krigsveteranar.

Filmen «Kongens nei» blei nyleg valt ut til å vere Norges kandidat i kampen om å bli beste ikkje-engelskspråklege film under Oscar-utdelinga. (©NPK)