Konsernsjef i Posten blir styreleiar i NSB

(NPK-NTB): Dag Mejdell er innstilt som ny styreleiar i NSB AS, melder Samferdselsdepartementet. Mejdell er i dag konsernsjef i Posten.

npk@npk.no

Publisert: 24.06.2016 kl 15:13

Mejdell tiltrer som styreleiar til hausten. Han har toppleiarerfaring frå fleire verksemder, og er i dag styreleiar i blant anna Norsk Hydro AS, International Post Corporation og i Sparebank 1 SR Bank ASA frå juni.

– NSB går gjennom ei stor og omfattande omstilling som følgje av jernbanereforma. Dag Mejdells erfaring frå Posten med omstilling, strategi- og forretningsutvikling vil bli viktig for NSB i denne krevjande omstillingsfasen, seier samferdselsminister Ketil Solvik-Olsen (Frp) i ei pressemelding.