Kraftig auke i iskrem-importen

Totalt 2880 tonn iskrem blei importert første halvår av 2016.

Det blei importert 202.000 tonn av såkalla tilarbeidde landbruksvarer (RÅK-varer) til ein verdi av 4,6 milliardar kroner i første halvår i 2016. Veksten er på 6 prosent, samanlikna med første halvår i 2015. Det er spesielt auken i importen av iskrem, som dreg opp importen av tilarbeidde varer.

Det blir importert mest iskrem frå Slovenia, Nederland og Spania, viser halvårsrapporten om «Konkurransesituasjonen for tilarbeidde landbruksvarer» frå Landbruksdirektoratet.

Målt i mengd er det til no i år størst auke i importen av mineralvatn og øl, i tillegg til sukkervarer. (©NPK)