Krev par varetektsfengsla i Arboga-saka

(NPK-NTB-TT): Ei 41 år gammal svensk kvinne og hennar 18-årige sambuar, som blei arrestert i Trondheim tidlegare i veka, blir kravd varetektsfengsla for mord og mordforsøk.

npk@npk.no

Publisert: 02.09.2016 kl 12:50

Dei to er sikta for drap på faren til kvinna og drapsforsøk mot mora i sommarhuset til foreldra i Arboga 3. august.

– Eg har vurdert at etterforskinga er tilstrekkeleg til å krevje dei fengsla for drap og drapsforsøk, seier påtaleansvarleg og etterforskingsleiar Jessica Wenna ved påtalemakta i Västerås til Aftonbladet.

Paret blei arrestert på eit hotell i Trondheim etter at 41-åringen landa på Værnes med eit fly frå Thailand. Dei to blei også arresterte på Arlanda flyplass like etter drapet, men blei då slopne fri. (©NPK)