Kronprinsen godkjent fallskjermhoppar

(NPK-NTB): Kronprins Haakon har gjennomført Forsvarets fallskjermkurs og kunne denne veka ta imot det synlege beviset på at han er godkjent som militær fallskjermhoppar.

npk@npk.no

Publisert: 11.03.2016 kl 16:21

Det var Forsvarets Spesialkommando (FSK) som stod for kurset der kronprinsen var elev. Kronprinsen tok imot godkjenninga under ein enkel seremoni i Rena leir torsdag kveld, opplyser Slottet.

Kurset har bestått av ei rekkje fysiske testar og treningshopp på dag- og nattetid. Kronprinsen har bestått alle standardkrav og er no sertifisert som militær taktisk fallskjermhoppar med automatutløyst rundskjerm. (©NPK)