Littler blir den yngste Premier League-spelaren i historia i dart

16-åringen Luke Littlers sensasjonelle VM-ferd opnar nye dører. Han er blant åtte spelarar som er tekne ut til Premier League-turneringa i dart.

Publisert: 04.01.2024 kl 17:32

Det vart klart dagen etter at briten tapte kampen om å bli verdsmeister. Tittelen gjekk til landsmannen Luke Humphries (28).

Begge er i uttaket til PL-sesongen i år. Den startar i Cardiff i februar, medan finalespelet er lagt til London i mai.

Littler blir den yngste deltakaren i historia.

Storturneringa starta opp i 2005 og har vorte vunne sju gonger av nederlendaren Michael van Gerwen (seinast i fjor).

(©NPK)

Luke Littler blir den yngste Premier League-spelaren i historia i dart. Foto: Kin Cheung / AP / NTB