Liverpool heidrar Hillsborough-offera med allé

Namnet heidra offera etter Hillsborough-tragedia i 1989, der 96 Liverpool-supporterar omkom.

– Vi er glade for at dette flotte området framfor Main Stand blir namngitt til minne om dei 96, seier Margaret Aspinall i Hillsborough Family Support Group.

– Då våre ambisiøse planar for oppgraderinga av Anfield blei lansert, gav eg beskjed om at det burde bli laga eit nytt og passande minnesmerke for Hillsborough-offera, overlevande og pårørande, seier borgarmeister Joe Anderson.

– Anfield er den spirituelle heimen til dei 96. Å namngi alleen i deira minne, er ein ideell måte for den globale fotballfamilien til å minnes dei og også familiane som kjempa så lenge for rettferd, held borgarmeisteren fram.

Liverpool er i ferd med å fullføre utvidinga av Main Stand-tribunen. Området rundt er også blitt kraftig oppgradert.

Området der Main Stand møter The Kop-tribunen, har fått namnet Paisley Square etter den legendariske Liverpool-manageren Bob Paisley.

Liverpool spelar sin første heimekamp mot Leicester 10. september. (©NPK)