Mange dødsmeldingar på avvege

17 av dei 25 dødsfalla skjedde i utlandet, i samband med ferieturar og andre opphald der. Då er det inga rutine for at Folkehelseinstituttet får dødsmeldingar frå utanlandske styresmakter, skriv Dagsavisen.

I tillegg til sjukdom og ulykker kan Folkehelseinstiuttet ikkje sjå bort frå at det blant dødsfalla også ligg drap.

– Det kan vi jo ikkje sjå bort frå, men eg trur det er lite sannsynleg, ettersom moglege unaturlege dødsfall skal bli meldt til politiet, som så skal be om rettsmedisinsk obduksjon. Vi skal dermed få både dødsattest og obduksjonsrapport frå to ulike instansar ved slike tilfelle, seier overlege Christian Lycke Ellingsen i Dødsårsaksregisteret i Folkehelseinstituttet.

Også når det gjeld unge i alderen 15 til 19 år, saknar Folkehelseinstituttet fleire dødsmeldingar. Tala for 2015 er enno ikkje klare, men for perioden 2010– 2014 er det snakk om 19 manglande dødsmeldingar for denne aldersgruppa.

Totalt sett, for alle aldersgrupper, manglar det heile 3.321 dødsmeldingar for den nemnde femårsperioden. Målsettinga til Folkehelseinstituttet målsetting er å få dødsmeldingar for minst 99 prosent av dødsfalla som skjer i Noreg. Dei siste åra har delen vore på 98,6 prosent. (©NPK)