Mange drepne i luftangrep i Hama i Syria

Syrian Observatory for Human Rights (SOHR) opplyser at minst 20 luftangrep blei utført torsdag langs ein veg som knyter landsbyen Latamina i Hama til den sørlege delen av provinsen Idlib i nord.

Eit titals menneske blei såra. Angrepa skjer etter at syriske opprørarar, deriblant fleire ytterleggåande islamistfraksjonar, har erobra ei rad regimekontrollerte landsbyar og militærpostar i området dei siste dagane. Opprørarane står no berre elleve kilometer frå byen Hama, hovudstaden i provinsen med same namn, ifølgje SOHR.

Gruppa Jund al-Aqsa, som består av både syriske og utanlandske jihadistar, er den viktigaste styrken i offensiven, men også såkalla moderate væpna grupper deltek. Angrepa i området blei utført av både syriske og russiske kampfly, opplyser SOHR, som får informasjonen frå eit breitt kjeldenettverk i Syria. (©NPK)