Mange veit ikkje kor lenge barn skal bruke tryggingsutstyr i bil

I ei ny undersøking svarer 60 prosent av dei spurde at dei ikkje veit kor lenge barn skal bruke tryggingsutstyr i bil.

anne.marjatta.goystdal@ntb.no/kirsten.offerdal@npk.no

Publisert: 16.09.2020 kl 09:27

1.000 foreldre er spurde i undersøkinga som er gjort av Kantar for Trygg trafikk.

Kommunikasjonssjef Ingrid Trømborg i Trygg trafikk seier til NRK at barn helst skal sikrast med barnesikringsutstyr til dei er 150 centimeter høge.

– Viss ikkje det er mogleg å finne utstyr som passar, så skal ein i alle fall sikre dei til dei er 135 centimeter høge. Og det er det veldig mange som ikkje veit, seier ho.

(©NPK)

Mange veit ikkje kor lenge barn skal sitte i bilsete, viser undersøking.
Foto: Lise Åserud / NTB