Annonse

Mann alvorleg skadd etter dumparulykke i Fræna

(NPK-NTB): Ein mann er sendt til St. Olavs hospital med alvorlege skadar etter at ein dumpar velta i Fræna i Møre og Romsdal.

Ulykka skjedde like før klokka 14.30. Politiet opplyser til Romsdals Budstikke at ein dumpar velta under testkøyring på vegane i fjellet ved Langvatnet i Fræna.

Føraren vart frakta til St. Olavs hospital i Trondheim. Sjukehuset opplyser torsdag ettermiddag at mannen er alvorleg skadd og får intensivbehandling. (©NPK)