Mann gripen med øks ved svensk skule
(NPK-NTB): Ein mann er gripen etter at han svinga med ei øks ved ein skule i Piteå i Sverige torsdag. Skulen er stengt etter hendinga.
– Han har vore på ein skule i Hortlax med ei øks. Han er gripen av politiet, seier operasjonsleiar Catrin Hedqvist i politiet i Norrbotten til Aftonbladet.
Politiet fekk melding om saka ved 14.30-tida, same dag som ein 21 år gammal mann angreip ein skule i Trollhättan med sverd.
– Vi etterforskar saka og har politifolk på staden som har sperra av området, seier Hedqvist. (©NPK)