Mann og kvinne omkom i trafikkulykke

(NPK-NTB): Ein mann og ei kvinne omkom måndag kveld i ei møteulykke mellom ein personbil og eit vogntog på E134 ved avkøyringa til Darbu i Øvre Eiker i Buskerud.

npk@npk.no

Publisert: 19.01.2016 kl 07:11

Sist oppdatert: 19.01.2016 kl 08:30

– Eit vogntog har kollidert med ein personbil. Det er bekrefta to døde menneske. Dei sat i personbilen, seier operasjonsleiar Tore Nuven i Sør-Øst politidistrikt til NTB.

Dei to personane er identifiserte, og politiet jobba tysdag morgon med å informere dei pårørande, skriv Drammens Tidende.

– Føraren av vogntoget er uskadd, men sjølvsagt sterkt prega. Han vart teken hand om av ambulansepersonell, seier Nuven til avisa.