Mann sakna ved Preikestolen

Det er sett i gang ein leiteaksjon ved Preikestolen i Rogaland. Ein 41 år gammal sveitsisk mann har vore sakna sidan onsdag ettermiddag.

vaktsjef@ntb.no/bent.tandstad@npk.no

Publisert: 25.11.2021 kl 13:47

Politiet, frivillige, politihund og redningshelikopteret SAR Queen deltek i leiteaksjonen, som har utgangspunkt i området rundt Preikestolen i Strand i Rogaland, opplyser Sørvest politidistrikt.

Dei ser ikkje bort frå at den sakna mannen er andre stader i kommunen.

– Ein 41 år gammal sveitsisk statsborgar har vore sakna sidan i går ettermiddag. Bilen hans er lokalisert på P-plass ved Preikestolen, skriv politiet på Twitter torsdag.