Mann sette fyr på seg sjølv utanfor rettslokalet der Trump-saka går føre seg
Ein person sette fredag fyr på seg sjølv utanfor rettslokalet der den såkalla hysjpengesaka mot Donald Trump går føre seg.
Omstenda rundt den dramatiske hendinga er uklare. Ifølgje CNNs reporterar på staden stod ein mann i flammar i over tre minutt.
Brannen vart deretter sløkt, og personen vart henta på båre.
Meldinga kom like etter at retten hadde teke lunsjpause. I etterkant stod ein Secret Service-agent og snakka med Trump på galleriet i retten, ifølgje CNN.
Hendinga skjedde like etter at dei siste jurymedlemmene vart utpeika. Det er dermed klart for at behandlinga av sjølve skuldspørsmålet i saka kan byrje.